ᱪᱚᱬᱮᱸ, ᱯᱟᱹᱣᱨᱤᱭᱟ ᱟᱨ ᱵᱮᱫᱤᱭᱟ ᱯᱟᱹᱨᱤᱥᱨᱮᱱᱠᱳ ᱟᱫᱚᱜᱠᱟᱱ ᱨᱮᱭᱟᱜ ᱠᱟᱛᱷᱟ:--
ᱪᱚᱬᱮᱸ, ᱯᱟᱹᱣᱨᱤᱭᱟᱹ ᱵᱮᱫᱤᱭᱟᱠᱳ ᱫᱚ ᱟᱹᱫᱽ ᱠᱷᱚᱱᱜᱮᱠᱳ ᱠᱚᱢᱜᱮᱭᱟ᱾ ᱪᱮᱛᱟᱛᱠᱳ ᱠᱟᱨᱚᱱᱛᱮ ᱪᱚᱝ ᱪᱚᱬᱮᱸ ᱯᱟᱹᱨᱤᱥᱨᱮᱱ ᱳᱠᱟᱼᱳᱠᱟ ᱜᱷᱟᱨᱚᱸᱧᱡᱽ ᱫᱚ ᱮᱴᱟᱜ ᱯᱟᱹᱨᱤᱥᱛᱮᱠᱳ ᱳᱭᱳ ᱫᱟᱱᱟᱝᱟᱠᱟᱱᱟ᱾ ᱟᱫᱚ ᱟᱠᱳᱼᱟᱠᱳ ᱫᱚ ᱟᱥᱚᱞ ᱢᱟᱹᱭᱞᱟᱹ ᱫᱚᱠᱳ ᱵᱟᱰᱟᱭᱛᱟᱠᱳᱜᱮᱭᱟ, ᱮᱱᱛᱮ ᱯᱟᱹᱨᱤᱥᱠᱳ ᱯᱷᱮᱨᱟᱣᱟᱠᱟᱫᱨᱮ ᱦᱚᱸ ᱵᱳᱝᱜᱟ ᱫᱚ ᱵᱟᱠᱳ ᱵᱚᱫᱚᱞᱟᱠᱟᱱᱛᱟᱠᱳᱣᱟ᱾ ᱳᱱᱠᱟᱜᱮ, ᱟᱭᱢᱟ ᱵᱮᱥᱨᱟ ᱜᱷᱟᱨᱚᱸᱧᱡᱽ ᱨᱮᱱᱠᱳ ᱦᱚᱸ ᱱᱮᱛᱟᱨ ᱫᱚ ᱴᱩᱰᱩ ᱯᱟᱹᱨᱤᱥᱨᱮᱠᱳ ᱩᱪᱟᱹᱲᱟᱠᱟᱱᱟ᱾ ᱟᱫᱚ ᱟᱠᱳᱼᱟᱠᱳ ᱫᱚᱠᱳ ᱵᱟᱰᱟᱭᱜᱮᱭᱟ᱾ ᱳᱱᱟᱛᱮᱜᱮ, ᱵᱮᱥᱨᱟ ᱜᱷᱟᱨᱚᱸᱧᱡᱽ ᱥᱟᱶ ᱜᱷᱟᱨᱜᱷᱟᱹᱨᱤᱭᱟᱹ ᱠᱟᱛᱷᱟ ᱦᱮᱡᱼᱟᱠᱳ ᱠᱷᱟᱱ ᱚᱠᱚᱭᱼᱚᱠᱚᱭ ᱴᱩᱰᱩᱠᱳ ᱫᱚ (ᱡᱳᱛᱳ ᱴᱩᱰᱩ ᱫᱚ ᱵᱟᱝ) ᱵᱟᱠᱳ ᱟᱝᱜᱚᱪᱟ᱾ ᱵᱮᱫᱤᱭᱟ ᱫᱳ ᱰᱷᱮᱨᱠᱟᱭᱜᱮ ᱦᱚᱲ ᱦᱚᱯᱚᱱᱠᱳ ᱠᱷᱚᱱ ᱵᱮᱜᱟᱨᱚᱜᱛᱮ ᱵᱮᱫᱤᱭᱟ ᱧᱩᱛᱩᱢᱟᱱ ᱡᱩᱫᱟᱹ ᱡᱟᱹᱛ ᱢᱮᱱᱛᱮᱠᱳ ᱵᱟᱦᱱᱟ ᱳᱪᱳᱣᱟᱠᱟᱱᱟ᱾
ᱦᱟᱱᱮ ᱨᱟᱺᱪᱤ ᱥᱳᱨ ᱨᱟᱢᱜᱟᱲ ᱥᱮᱡᱛᱮ ᱠᱩᱥᱤᱭᱟᱹᱢ ᱧᱟᱢᱠᱳᱣᱟ᱾ ᱚᱠᱚᱭᱠᱳ ᱫᱚ ᱮᱴᱟᱜ ᱯᱟᱹᱨᱤᱥᱛᱮᱠᱳ ᱳᱭᱳ ᱫᱟᱱᱟᱝ ᱵᱟᱲᱟᱣᱟᱠᱟᱱᱟ, ᱟᱨ ᱥᱟᱨᱮᱡ ᱵᱟᱨᱮᱡᱠᱳ ᱫᱚ ᱱᱮᱛᱟᱨ ᱥᱳᱣᱟᱞᱤ / ᱥᱮᱣᱟᱞᱤ / ᱥᱮᱣᱟᱞᱤᱱ ᱮᱢᱟᱱ ᱯᱟᱹᱨᱤᱥᱠᱳ ᱚᱞᱚᱜᱚᱜᱼᱟ, ᱱᱳᱣᱟ ᱫᱚ ᱵᱮᱫᱤᱭᱟ ᱯᱟᱹᱨᱤᱥ ᱨᱮᱭᱟᱜᱜᱮ ᱟᱨ ᱢᱤᱫ ᱧᱩᱛᱩᱢᱠᱟᱱᱟ᱾ ᱱᱳᱠᱳ ᱜᱮᱞᱵᱟᱨ ᱯᱟᱹᱨᱤᱥᱨᱮᱱᱠᱳ ᱪᱷᱟᱰᱟ ᱦᱚᱸ ᱱᱮᱛᱟᱨ ᱦᱚᱲ ᱦᱚᱯᱚᱱᱠᱳ ᱛᱟᱞᱟᱨᱮ ᱟᱨ ᱦᱚᱸ ᱢᱤᱫᱵᱟᱨ ᱯᱟᱹᱨᱤᱥᱨᱮᱱᱠᱳ ᱧᱟᱢᱚᱜᱠᱟᱱᱟ, ᱡᱮᱞᱮᱠᱟ –
ᱪᱚᱯᱮᱭᱟᱨ/ᱪᱚᱯᱮᱭᱟᱨ:ᱼ ᱱᱳᱣᱟ “ᱪᱚᱯᱮᱭᱟᱨ\" ᱫᱚ ᱞᱟᱦᱟ ᱵᱤᱫᱟᱹᱞ ᱫᱚ ᱠᱷᱩᱸᱴ ᱧᱩᱛᱩᱢ ᱛᱟᱦᱮᱸᱠᱟᱱᱟ, ᱪᱚᱬᱮᱸ ᱟᱨ ᱢᱩᱨᱢᱩᱠᱳᱣᱟᱜ᱾ ᱟᱫᱚ ᱱᱮᱛᱟᱨ ᱫᱚ ᱚᱠᱚᱭᱼᱚᱠᱚᱭ ᱜᱷᱟᱨᱚᱸᱧᱡᱽᱨᱮᱱ ᱯᱟᱹᱨᱤᱥ ᱞᱮᱠᱟᱛᱮ ᱦᱚᱸᱠᱳ ᱵᱮᱣᱦᱟᱨᱮᱫᱠᱟᱱᱟ᱾ ᱵᱟᱫᱚᱞᱤ:ᱼ ᱱᱳᱣᱟ ᱫᱚ ᱡᱟᱹᱲ ᱞᱮᱠᱟᱛᱮ ᱢᱟᱹᱨᱱᱰᱤᱠᱳᱣᱟᱜ ᱜᱟᱲ ᱧᱩᱛᱩᱢ ᱛᱟᱦᱮᱸᱠᱟᱱᱟ᱾ ᱟᱫᱚ ᱳᱠᱟ ᱞᱮᱠᱟᱛᱮ ᱪᱚᱝ ᱢᱤᱫᱵᱟᱨ ᱜᱷᱟᱨᱚᱸᱧᱡᱽ ᱫᱚ ᱱᱳᱣᱟᱜᱮ ᱯᱟᱹᱨᱤᱥ ᱦᱳᱮᱭᱟᱠᱟᱱᱛᱟᱠᱳᱣᱟ᱾
ᱰᱳᱱᱰᱠᱟ/ᱫᱳᱱᱫᱽᱠᱟ/ᱫᱟᱱᱰᱠᱟ:ᱼ ᱱᱳᱣᱟ ᱫᱚ ᱴᱩᱰᱩ ᱯᱟᱹᱨᱤᱥ ᱨᱮᱭᱟᱜ ᱢᱤᱫ ᱠᱷᱩᱸᱴ ᱧᱩᱛᱩᱢ ᱛᱟᱦᱮᱸᱠᱟᱱᱟ᱾ ᱟᱫᱚ ᱱᱮᱛᱟᱨ ᱫᱚ ᱯᱟᱹᱨᱤᱥ ᱞᱮᱠᱟᱛᱮ ᱱᱳᱣᱟᱠᱳ ᱵᱮᱣᱦᱟᱨᱮᱫᱠᱟᱱ ᱦᱚᱲ ᱦᱚᱯᱚᱱᱠᱳ ᱧᱟᱢᱚᱜᱜᱮᱭᱟ᱾
ᱨᱟᱯᱟᱡᱽ/ᱨᱟᱯᱟᱡᱽ:ᱼ ᱥᱮᱫᱟᱭ ᱵᱤᱫᱟᱹᱞ ᱱᱳᱣᱟ ᱫᱚ ᱠᱤᱥᱠᱩ ᱢᱟᱹᱭᱞᱟᱹᱨᱮᱱᱠᱳᱣᱟᱜ ᱠᱷᱮᱛᱟᱵᱽ ᱥᱮ ᱛᱤᱛᱞᱮ ᱛᱟᱦᱮᱸᱠᱟᱱᱟ, ᱥᱩᱨᱱᱟᱢᱮ ᱫᱚ ᱵᱟᱝ᱾ ᱟᱫᱚ ᱱᱮᱛᱟᱨ ᱚᱠᱚᱭᱼᱚᱠᱚᱭ ᱜᱷᱟᱨᱚᱸᱧᱡᱽᱨᱮᱱᱠᱳ ᱫᱚ ᱱᱳᱣᱟ ᱛᱤᱛᱞᱮ'ᱜᱮ ᱟᱠᱳᱣᱟᱜ ᱥᱩᱨᱱᱟᱢᱮ ᱞᱮᱠᱟᱠᱳ ᱵᱮᱣᱦᱟᱨᱮᱫᱠᱟᱱᱟ᱾
ᱪᱩᱢᱟᱨ/ᱠᱩᱢᱟᱨ:ᱼ ᱱᱳᱣᱟ ᱦᱚᱸ ᱦᱟᱱᱮ ᱥᱮᱫᱟᱭ ᱵᱤᱫᱟᱹᱞ ᱫᱚ ᱦᱮᱢᱵᱽᱨᱚᱢ ᱦᱚᱲᱠᱳᱣᱟᱜ ᱠᱷᱮᱛᱟᱵᱽ ᱥᱮ ᱛᱤᱛᱞᱮ ᱛᱟᱦᱮᱸᱠᱟᱱᱛᱟᱠᱳᱣᱟ᱾ ᱟᱫᱚ ᱱᱮᱛᱟᱨ ᱫᱚ ᱚᱠᱚᱭᱼᱚᱠᱚᱭ ᱜᱷᱟᱨᱚᱸᱧᱡᱽ ᱨᱮᱱᱠᱳ ᱫᱚ ᱱᱳᱣᱟ ᱛᱤᱛᱞᱮ'ᱜᱮ ᱥᱩᱨᱱᱟᱢᱮ ᱞᱮᱠᱟᱠᱳ ᱵᱮᱣᱦᱟᱨᱮᱫᱠᱟᱱᱟ᱾
ᱴᱷᱟᱹᱠᱩᱨ:ᱼ ᱢᱩᱨᱢᱩ ᱦᱚᱲᱠᱳ ᱫᱚ ᱢᱩᱨᱩᱢ ᱮᱝᱜᱟ ᱟᱠᱳᱨᱮᱱ ᱛᱳᱛᱮᱢ ᱠᱷᱚᱱ ᱚᱢᱚᱱᱟᱠᱟᱱ ᱨᱮᱭᱟᱜ ᱠᱤᱥᱟᱹ ᱢᱮᱱᱟᱜᱛᱟᱠᱳᱛᱮ ᱥᱮᱫᱟᱭ ᱫᱳ ᱴᱷᱟᱹᱠᱩᱨ ᱠᱷᱮᱛᱟᱵᱽ ᱛᱟᱦᱮᱸᱠᱟᱱᱛᱟᱠᱳᱣᱟ᱾ ᱟᱫᱳ ᱱᱮᱛᱟᱨ ᱫᱚ ᱚᱠᱚᱭ ᱚᱠᱚᱭ ᱜᱷᱟᱨᱚᱸᱧᱡᱽᱨᱮᱱᱠᱳ ᱫᱚ ᱳᱱᱟ ᱠᱷᱮᱛᱟᱵᱽ ᱥᱮ ᱛᱤᱛᱞᱮ'ᱜᱮ ᱥᱩᱨᱱᱟᱢᱮ ᱞᱮᱠᱟᱠᱳ ᱵᱮᱣᱦᱟᱨᱮᱫᱠᱟᱱᱟ᱾
ᱢᱟᱡᱷᱤ/ᱢᱟᱱᱡᱷᱤ:ᱼ ᱚᱠᱚᱭ ᱚᱠᱚᱭ ᱢᱟᱹᱧᱡᱷᱤ ᱜᱷᱟᱨᱚᱸᱧᱡᱽᱨᱮᱱᱠᱳ ᱫᱚ ᱱᱮᱛᱟᱨ ᱦᱩᱫᱟᱹᱜᱮ ᱥᱩᱨᱱᱟᱢᱮ ᱨᱮ ᱯᱷᱮᱨᱟᱣᱟᱠᱟᱱᱛᱟᱣᱟ᱾ ᱟᱨ ᱵᱤᱱ ᱵᱟᱰᱟᱭ ᱥᱟᱨᱠᱟᱨᱤ ᱫᱮᱠᱳ ᱠᱟᱨᱟᱢᱪᱟᱨᱤᱠᱳ ᱦᱚᱸ ᱱᱳᱣᱟ ᱞᱟᱹᱜᱤᱫᱠᱳ ᱫᱩᱥᱤᱜᱮᱭᱟ᱾᱾᱾ ᱵᱤᱱ ᱵᱟᱪᱷᱟᱣᱛᱮ ᱳᱠᱟᱠᱳᱨᱮ ᱪᱚᱝ ᱥᱟᱱᱛᱟᱞ ᱠᱷᱟᱱᱜᱮ ᱢᱟᱱᱡᱷᱤ ᱢᱮᱱᱛᱮ ᱥᱟᱨᱠᱟᱨᱤ ᱱᱟᱹᱛᱷᱤᱨᱮᱠᱳ ᱚᱞ ᱪᱟᱲᱦᱟᱣᱟᱠᱟᱫᱵᱳᱱᱟ᱾ ᱟᱫᱚ ᱩᱱ ᱠᱷᱚᱱ ᱦᱚᱲ ᱦᱚᱯᱚᱱᱠᱳ ᱛᱟᱞᱟᱨᱮ ᱢᱟᱱᱡᱷᱤ ᱦᱚᱸ ᱢᱤᱫᱴᱮᱱ ᱥᱩᱨᱱᱟᱢᱮ ᱦᱳᱭ ᱵᱚᱛᱮᱡᱼᱟᱠᱟᱱᱟ᱾
ᱥᱟᱣᱛᱟᱞ/ᱥᱟᱣᱱᱛᱟᱞ/ᱥᱟᱱᱛᱟᱞ/ᱥᱳᱱᱛᱷᱟᱞ:ᱼ ᱱᱳᱣᱟ ᱦᱚᱸ ᱵᱤᱱ ᱵᱟᱰᱟᱭ ᱥᱟᱨᱠᱟᱨᱤ ᱫᱮᱠᱳ ᱠᱟᱨᱟᱢᱪᱟᱨᱤᱠᱳᱣᱟᱜ ᱮᱱᱮᱢᱠᱟᱱᱟ᱾ ᱞᱟᱦᱟ ᱵᱤᱫᱟᱹᱞ ᱟᱹᱰᱤ ᱡᱮᱢᱚᱱ ᱛᱮᱢᱚᱱᱠᱳ ᱱᱟᱹᱛᱷᱤᱞᱮᱫᱵᱳᱱᱟ᱾ ᱟᱫᱚ ᱯᱟᱹᱨᱤᱥ ᱴᱟᱹᱨᱤᱥ ᱪᱮᱫ ᱦᱚᱸ ᱵᱟᱝ ᱠᱩᱞᱤᱠᱟᱛᱮ ᱥᱤᱫᱷᱟᱹᱭᱛᱮ ᱧᱩᱛᱩᱢ ᱛᱟᱭᱚᱢ ᱥᱟᱱᱛᱟᱞᱠᱳ ᱳᱞᱠᱮᱫᱵᱳᱱᱟ, ᱟᱥᱳᱠᱟᱭᱛᱮ ᱫᱳᱳᱣᱟᱨᱥ ᱟᱨ ᱥᱭᱞᱦᱮᱛ ᱨᱮᱭᱟᱜ ᱪᱟ ᱵᱟᱜᱟᱱᱠᱳᱨᱮ, ᱟᱨ ᱛᱨᱤᱯᱩᱨᱟ, ᱪᱷᱳᱴᱴᱳᱜᱽᱨᱟᱢ, ᱯᱷᱳᱨᱤᱫᱽᱯᱩᱨ ᱮᱢᱟᱱ ᱥᱮᱡᱛᱮ᱾
ᱯᱷᱚᱴᱚᱼ ᱫᱟ ᱯᱤᱯᱩᱞ ᱳᱯᱷ ᱤᱱᱰᱤᱭᱟ᱾ (ᱥᱟᱱᱛᱟᱞᱥᱼ ᱟᱵᱳᱨᱤᱡᱤᱱᱟᱞ ᱵᱷᱟᱜᱟᱞᱯᱩᱨ ᱦᱤᱞ)"
