ᱥᱮᱪᱮᱫ ᱫᱟᱹᱧ ᱡᱟᱱᱟᱢ ᱟᱲᱟᱝ
ᱚᱱᱚᱞᱤᱭᱟᱹ- ᱫᱩᱨᱜᱟ ᱢᱩᱨᱢᱩ [ ᱢᱟᱡᱽᱠᱩᱱᱫᱟᱹ ]
ᱮ ᱜᱚ ᱪᱤᱫ ᱟᱹᱫᱤᱧᱟᱢ ᱡᱟᱱᱟᱢ ᱟᱲᱟᱝ,
ᱤᱛᱩᱱ ᱨᱮᱭᱮᱢ ᱵᱷᱟᱹᱨᱛᱤ ᱠᱤᱫᱤᱧ
ᱫᱤᱠᱩ ᱟᱲᱟᱝ ᱢᱟᱲᱟᱝ ᱾
ᱵᱟ.ᱧ ᱥᱮᱪᱮᱛ ᱫᱟ ᱫᱤᱠᱩ ᱟᱲᱟᱝ,
ᱥᱨᱪᱮᱛ ᱩᱪᱩᱧᱢᱮ ᱡᱟᱱᱟᱢ ᱟᱲᱟᱝ -
ᱛᱚᱵᱮᱭ ᱫᱟᱹᱲ -ᱟ ᱥᱚᱢᱟᱡᱨᱮᱭᱟᱜ ᱧᱩᱛ ᱠᱟᱲᱟᱝ ᱿
ᱮ ᱜᱚ ᱵᱟᱢ ᱵᱷᱟᱹᱵᱤᱛᱚᱜ ᱠᱟᱱᱟ
ᱛᱤᱥᱮᱢ ᱢᱟᱨᱥᱟᱞᱟ ᱥᱚᱢᱟᱡᱽ ᱛᱟᱢ
ᱛᱤᱥᱮᱢ ᱛᱤᱝᱜᱩ ᱠᱮᱴᱮᱡᱚᱜ-ᱟ
ᱱᱤᱭᱟᱹ ᱫᱷᱟᱹᱨᱛᱤᱨᱮ ?
ᱟᱢ ᱫᱚ ᱟᱹᱫᱨᱮᱱ ᱟᱹᱫᱤᱵᱟᱹᱥᱤ,
ᱮᱱᱛᱮ ᱨᱮᱦᱚ ᱢᱮᱱᱟᱢ ᱦᱚᱲᱨᱮᱱ ᱫᱟᱹᱥᱤ ᱿
ᱮ ᱜᱚ ᱵᱟᱢ ᱟᱹᱨᱩ ᱯᱷᱮᱨᱟᱳ ᱛᱟᱢᱟ
ᱪᱟᱭ, ᱪᱚᱞᱚᱱ, ᱟᱹᱨᱤᱪᱟᱹᱞᱤ -
ᱛᱤᱱᱟᱹᱜ ᱫᱤᱱᱮᱢ ᱛᱟᱦᱮᱱᱟ ᱞᱟᱛᱟᱨ ᱨᱮᱜᱮ ᱛᱷᱟᱹᱞᱤ ?
ᱫᱮ ᱮᱵᱷᱮᱱᱚᱢ, ᱵᱮᱝᱜᱮᱫ ᱢᱟᱨᱥᱟᱞᱢᱮ
ᱱᱟᱜᱟᱢᱤᱭᱟᱹ ᱠᱩ ᱚᱞᱟ ᱟᱢᱟᱜ ᱞᱟᱹᱦᱤᱱᱤ ᱾᱾
=======
=======
[ ᱛᱩᱢᱟᱹᱞ ᱫᱚ - ᱚᱱᱚᱬᱦᱮᱢᱟᱞᱟ ᱯᱚᱛᱚᱯ ᱠᱷᱚᱱ ]
